***

Электроэнергияӧн могмӧдан Немдінса участок котыртчис 14 во сайын. Сэксянь уджалысьяс эз вежсьывлыны, кӧть вӧчанторйыс уна: бригада могмӧдӧ сикт-посёлокъяс Джеджимсянь Белоборскӧдз, пырӧ тшӧтш и Мыс. Кыдзи висьталіс участокӧн веськӧдлысь Сергей Сионьевич Лодыгин, ВЛ–10 линияыс 180 километр, нӧшта эм и ВЛ–110 линия. На бӧрся сюся видзӧдӧны во гӧгӧр чӧж, пыр жӧ бырӧдӧны лоӧмторъяс. Белоборскӧдз Ягъюрса туйвежсянь тапсьӧдлӧны 56 километр. Тырмӧны и дзоньтасян уджъяс. Арнас вежисны 30 сюръякост Парчын, сэки жӧ выльмӧдісны 4 подстанция Мысын, Смолянкаын.

— Немдін вож век лоӧ югыд биаӧн, — эскӧдіс С. С. Лодыгин.