***

Р. Г. Карманов нима Немдінса шӧр школалысь 150 вося юбилей пасйигӧн уна бур кыв вичмис география да биология велӧдысь Н. И. Уляшевалы. Немдінӧ воліс 1988 воын Коми пединститут помалӧм бӧрын. Челядь сюся кывзӧны сылысь урокъяс, зільӧны водзмӧстчыны оз сӧмын занятиеяс дырйи, но и районса да республикаса олимпиадаясын, конкурсъясын, вӧр-валы сиӧм слётъясын. Кольӧм велӧдчан воын 7 классысь Наталья Уляшева босьтіс медводдза места географияысь районса олимпиадаын. Мӧд места шедӧдіс 8 классысь Альбина Булышева. Экологияысь да биологияысь татшӧм жӧ олимпиадаясын воддза местаясӧ тшӧтш петісны Нина да Екатерина Лодыгинаяс.

Урокъяс нуӧдӧм кындзи Нина Ивановна тшӧтш и школаса директорӧс велӧдан удж кузя вежысь.

Н. Н. Уляшева — Российскӧй Федерацияысь велӧдан юкӧнын пыдди пуктана уджалысь.