ОРДЙЫСЬНЫ — ВӦЛӦГДАӦ

Би сетысьяслӧн профессиональнӧй сямлун кузя республикаса ордйысьӧмын вермысьӧн петіс Лунвыв электрическӧй сетьяслӧн Кулӧмдін районса команда.

Ордйысьӧмыс муніс Ухтаын. «Рытыв-Войвыв» распределительнӧй сетьяслӧн регионъяскостса компания ВАК-сянь воліс 5 команда. Кыдзи дасьтысьӧны да кыдзи вӧчӧны быдлунъя уджсӧ, ЮЭС-ысь ӧтдор петкӧдлісны Сыктывкарса, Воркутаса, Печораса да Шӧр электрическӧй сетьясса специалистъяс.

Эжва йывса электрикъяс: мастер Владимир Кочанов, монтёръяс Михаил Сенькин да Александр Чаланов бура петкӧдчисны да ветласны Россияса татшӧм ордйысьӧм вылӧ, коді лоас Вӧлӧгдаын. Ухтаын кӧ найӧ вермасисны 9 район нимсянь, Россияса тшупӧдын кутасны петкӧдлыны ставнас «Рытыв-Войвыв» МРСК-ӧс.