ӦД СОДТӦ И ЙӦЗ ВӦСНА ТӦЖДЫСЬӦ

Вӧр лэдзан 15 комплекс нин районын заптысьӧ финн технология серти. Сӧмын «Немлес» ООО-ын татшӧмыс нёль. «Монди Сыктывкарса ЛПК» таво аслас предприятиеяслы кӧсйӧ сетны нӧшта кык комплекс.

Вӧр заптан ӧд содтӧм кындзи ЛПК пуктӧ пай и социальнӧй юкӧн сӧвмӧдӧмӧ. Таво нин та вылӧ предприятие торйӧдіс 6 миллион шайт. Лоис позянлун ньӧбны видз-му вӧдитан техникалысь кык тыр комплект Помӧсдінса да Мысса администрацияяслы, ӧти трактор — юрсиктса коммунальнӧй овмӧслы. Ас вылӧ уджалысьяс виччысьӧны диска вит пилорама.

Сьӧмыс тшӧтш мунас челядьӧс велӧдан-быдтан учреждениеясӧ колана мебель ньӧбӧм вылӧ.