МИЛИЦИЯЛЫ ОТСӦГЫСЬ

Аслыспӧлӧс награда воис «Кулӧмдін» муниципальнӧй районса администрацияӧн веськӧдлысь С. П. Каплинлы. Грозный карса комендатураысь военнӧй комендант С. П. Уманец аслас приказӧн сылы сетіс «За содействие МВД» морӧсвывса пас.

Татшӧм доныс Чечняын пӧрадок ёнмӧдӧмӧ пай пуктӧмысь. Сергей Петрович районӧн водзті юралігас да выльысь бӧрйӧм бӧрас пыр кутӧ син улас, кыдзи служитӧны миян землякъяс, торйӧн нин Войвыв Кавказын. Весиг ветліс гӧраяса республикаӧ аддзысьлыны командировкаӧ мӧдӧдӧм милиционеръяскӧд, лӧсьӧдны йитӧдъяс сэтчӧс власьт тэчасъяскӧд.