НЬӦБАСЬЫСЬ ЙЫЛЫСЬ МӦВПАЛӦНЫ

«Гӧгрӧс пызан» сайӧ чукӧртчылісны районса предпринимательяс. Сёрниыс муніс потребительяслысь правояс дорйӧм, услугаяс бурмӧдӧм, лунысь-лун вежласьысь законъяс збыльмӧдӧм йылысь.

Котыртісны аддзысьлӧмсӧ потребительлысь правояс дорйӧм да мортлӧн дзоньвидзалун бӧрся видзӧдан республикаса управлениелӧн территориальнӧй юкӧн да ичӧт бизнесын зільысьяслӧн районса координационнӧй сӧвет. Семинарсӧ нуӧдны отсалісны и управлениеса специалистъяс.

Аддзысьлӧм дырйи бӧрйисны тшӧтш делегатъясӧс вузасьӧм, быт да туристическӧй услугаясӧн могмӧдӧм кузя сӧвещание вылӧ, коді лоӧ Сыктывкарын.