ТОМ ЙӦЗЛЫ ОТСӦГ

Юрсиктын муніс оланін ньӧбӧм да стрӧитӧм вылӧ субсидия сетӧм кузя семинар.

Чукӧртчӧмаяс водзын сёрнитісны районса юралысьӧс первой вежысь Л. Колесникова, видз-му овмӧс да сёян-юан кузя министрӧс вежысь А. Пичкалев, республикаса Юралысь бердын общественнӧй приёмнӧйӧн веськӧдлысьӧс вежысь Н. Высоцкая, районса татшӧм приёмнӧйӧн юрнуӧдысь А. Кузнецова, Кулӧмдінса ОСБ-ысь кредит юкӧнӧн веськӧдлысь Л. Чаланова.

Тавосянь субсидия босьтӧм вылӧ арлыдсӧ содтӧма 30-сянь 35-ӧдз. Кольӧм во субсидиясӧ босьтіс районысь 15 семья, ставсӧ 5.067,4 сюрс шайт. 11-ыс — том семья. Таво вылӧ дасьӧсь нин документъяс 21 семьялы. И татшӧм йӧзыс нӧшта содас. Но оз быдӧнлы вичмы сьӧмыс. Колӧ сувтны учёт вылӧ, збыльысь кӧ тэныд сэтшӧм ёна сійӧ колӧ. Субсидиясӧ позьӧ видзны оланін ньӧбӧм-стрӧитӧм, стрӧитчыны став коланасӧ ньӧбӧм, коммунальнӧй услугаясысь вештысьӧм вылӧ да с.в.

Семинар нуӧдысьяс тӧдмӧдісны субсидия босьтанногын выльторъясӧн.