ШАРИК ДУРӦ, ТУЗИК ПУРӦ

Сідз эз и ло пӧрадок понъясӧс видзӧм кузя. Во-мӧд сайын та мындаыс эз на вӧв, а ӧні рӧдмӧмаӧсь да быдса чукӧръясӧн ветлӧны, усьласьӧны йӧз вылӧ.

Кулӧмдінын татшӧмторйыс овлӧ тшӧкыда, да и мукӧд сикт-посёлокын тшӧтш. Юрсиктса власьт сідзи эз и вермы разьны гӧрӧдсӧ, кӧть эськӧ вӧлі районса юралысьлӧн торъя индӧд уджавны Шарикъяслӧн да Тузикъяслӧн кӧзяинъяскӧд, ӧлӧдны домавтӧг видзӧмысь. Эм ӧд торъя закон, код серти веськодь кӧзяинӧс вермасны кыскыны административнӧй да весиг уголовнӧй кывкутӧмӧ.