БЫД ВО АСЛЫСПӦЛӦС

Республикалы тӧдчана нин лоис «Василей» гаж, коді локтан вося январын Кулӧмдінын мунас дас витӧдысь.

Тайӧ ичӧтик юбилей нин, сы вӧсна тыр ӧдӧн мунӧ лӧсьӧдчӧмыс. Дасьтысьӧны став Комиысь творческӧй коллективъяс, шылад гижысьяс, торъя сьылысьяс.

Быд во тайӧ гажыс мунӧ аслыспӧлӧса. Январас лоас выль сценарий серти жӧ. Кутшӧм — гусятор на, ӧд праздникыслӧн сыын и могыс, мед шензьӧдны видзӧдысьӧс. Режиссёрсӧ виччысьӧны Москваысь. Медводдза «Василейяссӧ» котыртліс И. Г. Скляр.