ВОДЗВЫВ ДАСЬТЫСЬӦМӦН

«Коми войтыр» ӧтмунӧмлӧн Кулӧмдінса юкӧн ассьыс конференция нуӧдас ноябрь 28 лунӧ.

Неважӧн чукӧртчыліс сы кежлӧ дасьтысян оргкомитет, кодӧн юрнуӧдӧ райадминистрацияӧн веськӧдлысь С. П. Каплин. Сёрнитісны, мый нин вӧчӧма да колӧ на вӧчны. Ылӧсалісны, кодъясӧс бӧрйыны «Коми войтырлӧн» локтан съезд вылӧ делегатъясӧн.

Конференция лун кежлас урчитісны и вель ыджыд культурнӧй программа: юргасны коми сьыланкывъяс, кутасны вузасьны ас вӧчӧмторъясӧн да национальнӧй сёян-юанӧн.