КОДКӦД ВЕСЬКАЛӦ УЗЬЛӦНЫ ДА

Бать-мамлӧн видзӧдластӧг да тӧждтӧг уна том ныв-зон талун петӧны омӧль туй вылӧ: водз заводитӧны гажъявны-юны, дурмӧдчыны наркотикъясӧн, вӧчны быд сикас мыж.

Кулӧмдін районын 14–18 арӧса том мортыс 2,5 сюрс сайӧ. Кольӧм во тыр арлыдтӧм аньяслӧн чужис 12 кага, таво ӧкмыс тӧлысьӧн — ӧкмыс. Кодкӧд веськалӧ узьлӧм понда паськалӧны омӧль висьӧмъяс. Кольӧм воын тыр арлыдтӧмаяс пиысь кызь сизимӧн кӧвъявлӧмаӧсь татшӧм висьӧмсӧ, таво — сизимӧн. Но тайӧ абу на стӧч лыдпасъяс. Кодсюрӧ дзебӧ нёрпалӧмсӧ, оз лок больничаӧ. И татшӧм ногӧн водзӧ паськӧдӧ омӧльторсӧ.