ВИДЗЧЫСЯН КӦ, ОН ВИСЬМЫ

«Гриппол» вакцина воис районӧ «Дзоньвидзалун» нацпроект серти.

Пистиаласны детсад-школаын челядьӧс, медицинаын да велӧдан учреждениеясын уджалысьясӧс, а сідзжӧ 60 арӧсысь олӧмаджык йӧзӧс.

ОРВИ-гриппӧн висьысьыс кольӧм во эз уна вӧв. Тупкылісны карантин вылӧ сӧмын некымын школа. «Дзоньвидзалун» уджтас серти сэки татшӧм пистисӧ вӧчисны 5.700 мортлы — челядьлы и верстьӧлы.