ВИЧМИС СОДТӦД СЬӦМ

Райсӧветлӧн бӧръя сессия вылын депутатъяс юклісны республикалӧн бюджетысь воӧм содтӧд сьӧм.

7.282,7 сюрс шайт шуисны торйӧдны уна патераа керкаяс подувсяньыс дзоньталӧм, а сідзжӧ «Том семьялы — выль оланін» уджтас збыльмӧдӧм вылӧ. Вичмис сьӧм и велӧдысьяслы социальнӧй кокньӧд сетӧм вылӧ да приёмнӧй семьяясын кагаясӧс быдтысьяслы.

Таӧдз районса бюджетӧ содтӧд сьӧм — 5.615,1 сюрс шайт — воліс нин. Депутатъяс шуисны вичмӧдны сійӧс детсадъяс, школаяс, спортзалъяс, ФАП-яс дзоньталӧм вылӧ.