КУТАСНЫ И ВОДЗӦ ОТСАВНЫ

Бур козин вӧчис «Монди Бизнес Пейпа Сыктывкарса ЛПК» восьса акционер котыр Пожӧгса школаын велӧдчысьяслы. Матӧ 30 гижысьлӧн 150 гӧгӧр небӧг, 15 альбом лоисны бур лыддянторйӧн ылі грездса олысьяслы.

Пасъям, школаса библиотекаысь небӧгъяссӧ окотапырысь босьтлӧны оз сӧмын велӧдчысьяс, но и бать-мам. Пушкин нима «Классика» фондын уджалысь Е. Т. Каневлӧн да «МБП Сыктывкарса ЛПК»са генеральнӧй директор А. Н. Дрибныйлӧн кывъяс серти, «Мир шедевров — школам» акциясӧ найӧ нуӧдӧны оз нин ӧти во и зільӧны веськӧдчыны сиктса сэтшӧм велӧдчанінъясӧ, кӧні збыльысь оз тырмы художественнӧй литератураыс да велӧдчан пособиеыс. Андрей Николаевич аслас предприятие нимсянь кӧсйысис и водзӧ отсавны школаыслы.