СЬӦМ КӦ ЭМ, УДЖЫД ЛАДМАС

Кольӧм воын серти кык пӧв унджык сьӧм муніс таво школаяс дзоньталӧм-пелькӧдӧм вылӧ — 7.442 сюрс шайт. Детсад-яслиясын дзоньтасьӧм вылӧ муніс 1.507 сюрс шайт.

Школаясса нуръясянінъясын сувтӧдісны 12 выль холодильник, сизимлаын вежисны пусян плитаяс. Медъёна дзоньтасисны Кулӧмдінса, Діасёръяса, Мысса, Паспомса, Вӧльдінса, Шӧръягса, Лопъювадса, Белоборскса школаясын. Бура лои выльмӧдӧма Ярашъюса, Джеджимса, Кырнышаса, Скӧрӧдумса садикъяс.

Уджыс тӧлкӧн муніс сы вӧсна, мый садикъяс дзоньталӧм вылӧ райбюджет содтӧд торйӧдліс 1.400 сюрс шайт.