ЛОК ДА ЮАСЬ

Йӧзӧс социальнӧя доръян управление кырымаліс сёрнитчӧм районса адвокатъяслӧн коллегиякӧд сикт-посёлокъясса олысьяслы дон босьттӧг юридическӧй отсӧг сетӧм йылысь.

Ӧні вель уна категорияа войтырлӧн эм позянлун вӧдитчыны тайӧ отсӧгнас. Шуам, войнаса ветеранъяслы, репрессия улӧ веськавлысьяслы, пенсия да пособие вылӧ гижӧдчысьяслы, алимент перйысьяслы. А исправительнӧй учреждениеясысь тыр арлыдтӧмаяслы дон босьттӧг отсӧгыс сетсьӧ быд юалӧм кузя.