ӦДЙӦ ГӦГӦРВОИСНЫ

Районса 24 ичӧт предприятиеысь джынсьыс унджыкыс сюртчисны розницаӧн вузасьӧмӧ.

Ӧдйӧ содіс сідз шусяна юридическӧй лицоыс 1995 во ноябрь 22 лунся 171 номера федеральнӧй законӧ вежсьӧмъяс пыртӧм бӧрын. Вежсьӧмъяссӧ урчитӧма 2005 во июль 21 лунся 102 номера федеральнӧй оланпасын. На серти вина-водкаӧн вузасьны вермӧ сӧмын юридическӧй лицо. Со ас вылӧ уджалысьяс и тэрыба пасйысисны татшӧмъяснас, ӧд курыдтор иналӧм помысь и кутчысьӧ унджык вузасяніныс. Майбыр, сійӧ ӧдйӧ инасьӧ да водзӧсыс сёян-юанӧн вузасьӧм дорысь тӧдчымӧн ыджыд.