«АС ПӦРТЙЫН ПУСЬӦНЫ»

Кулӧмдін районса «Парма гор» газет бердын лӧсьӧдӧм «Эжва» литературнӧй котыр ӧтувтӧ медсясӧ коми авторъясӧс. Бӧръя семинар вылӧ воліс кызь сайӧ том гижысь. Но ӧд районын и рочӧн гижысьяс эмӧсь.

Шуам, юрсиктын кывбуръяс тэчӧны Дмитрий Жевора, Леонид Ковтун, Андрей Распутин. Корсюрӧ йӧзӧдчӧны районса газетын. Сэк жӧ найӧс некутшӧм семинар-сӧвещание вылӧ оз корлывны. А колӧ эськӧ, ӧд кӧсйӧны петны выліджык тшупӧда газет-журналӧ, лэдзны ассьыныс небӧгъяс, но творческӧй котыръяслӧн отсӧгтӧг, перӧ кузя ёртъяскӧд, топыд йитӧдтӧг тайӧс вӧчны ӧні сьӧкыд.

Роч гижысьяслӧн вӧлі мӧвп лӧсьӧдны ассьыныс клуб сямаӧс, но водзмӧстчысьыс эз сюр. Сэсся и асьныс оз ёна тшӧкыда пыравны редакцияад, мед сёрнитыштны литература, поэзия йылысь. Со быдӧн и «пусьӧ ас пӧртъяс».