НЕВА ДОРЫН «КОСЯСЯСНЫ» И СЫКТЫВКАРСАЯС

«Ленфильм» студия корис Сыктывкарысь «Кречет» историко-реконструкционнӧй клубса вит боечӧс снимайтчыны «Александр Невский» художествоа фильмын.

— Киносӧ кутасны дасьтыны Ленинград обласьтса Приозёрск карбердса «Корела» крепосьт стенъяс дорын. Сентябрь 10–19 лунъясӧ снимайтасны шведъяскӧд кось, кӧні тшӧтш петкӧдчасны и миян войтыр, — висьталіс «Кречет» клубысь Дмитрий Меренков.

«Александр Невский» историческӧй кино выльмӧдны босьтчӧмаӧсь гожӧмнас. Киносӧ позяс видзӧдны локтан воӧ нин.