ЗВӦНИТ, КЫТЧӦ КӦСЪЯН

Кулӧмдінса кызвын олысьыс важӧн нин велаліс мобильник дорад. Мунан уличті да пӧшти быд паныдасьысьлӧн, верстьӧлӧн кӧть челядьлӧн, киас сотӧвӧй. А вот мукӧд сикт-посёлокын телефона татшӧм йитӧдыс абу на.

И со бур юӧр: регыд GSM–900 стандарта базӧвӧй станцияяс лоасны Лебежнӧйын, Тымсерын, Помӧсдінын. 72 метр джуджда башняяссӧ стрӧитны кутас «Уральский Джи ЭС ЭМ» ЗАО. Индӧм сикт-посёлокас йӧзыс регыд кывкӧрталасны, колӧ-ӧ сувтӧдны вышкаяссӧ.