ШӦЙТӦ ТУЗИК УЛИЧ КУЗЯ

Мыйта нин эз сёрнитны понъясӧс колана ног видзӧм йылысь, но Кулӧмдінын серпасыс оз вежсьы. Идӧртӧм Шарикъяс да Тузикъяс усьласьӧны йӧз вылӧ.

Торъя нин деливӧ пошта новлӧдлысьяслы. Газет-журналкӧд тшӧтш налы лоӧ новлӧдлыны и кампет-преник, мед мынтӧдчыны пурсьысьясысь. Ӧти пӧрйӧ юрсиктын пон вель ёна курччаліс нывъясӧс. Кӧзяиныс мыждытӧг и колис. А ӧд эм закон, код серти веськодь кӧзяинъясӧс позьӧ кыскыны административнӧй да весиг уголовнӧй кывкутӧмӧ.