НЕКОД ОЗ ВУН

Вӧлисти воссис юрсиктын сідз шусяна локальнӧй тышъясын усьӧмаяслы казьтылан пас.

Сійӧс вӧчӧм могысь дыр зілисны районса да сиктса администрацияяс, военкомат, ветеранъяслӧн сӧвет. Коліс чукӧртны матӧ 70 сюрс шайт. И со памятникыс дась. Сулалӧ сійӧ сиктса администрациялӧн ӧшинь улын, кыдз пуяс пӧвстын. Сувтӧдтӧдзыс гӧгӧрбок бура пелькӧдісны, вӧчисны выль потшӧс, лӧсьӧдісны лабичьяс.

Казьтылан пассӧ восьтыны волісны вель уна йӧз: войнаясын усьӧмаяслӧн матыссаяс, ветеранъяс, сиктса олысьяс, гӧсьтъяс, веськӧдлысьяс. Районса юралысь Сергей Каплин пасйис:

— Некор ог вунӧдӧй миянлысь воин-землякъясӧс, кодъяс усисны Афганистанын, Чечняын, Таджикистанын, Югославияын. Татшӧмыс дас гӧгӧр морт. На йылысь паметьыс век лоӧ миян сьӧлӧмъясын.

Тайӧ кывъяссӧ быттьӧ подулаліс автоматысь вӧчӧм салют.