ПЕРНАПАС ЧӦВТТӦГ ЭН ВУДЖ

Районын Эжва вомӧн квайт ыджыд вуджанін — Вӧльдінын, Кырнышаын, Пожӧгын, Мысын, Немдінын, Аныбын.

Унджыклаас мӧдлапӧлӧ ӧні верман бура веськавны. Но эмӧсь и ичӧт юяс вомӧн посъяс, сёысь, гашкӧ, унджык. Он быдлаті кокниа вудж. Шуам, полӧм сорӧн лоӧ воӧдчыны Прупт пыр Зимстанӧдз. А Пузлаӧ мунан туй вылын Тымсер ю вомӧн поскыс дзик нин шогмытӧм. А ӧд сэті лун и вой мунӧны машинаяс Ухтаӧ да Помӧсдінӧ, тшӧтш и челядьӧс автобусӧн новлӧдлӧны школаӧ. Туй вӧчысьясыс, гашкӧ, неминуча виччысьӧны?