ЙӦКТЫ КЕРКА, ЙӦКТЫ ПАЧ

Ас вӧчӧм да иналӧм прӧдукцияӧн Кулӧмдін — сиктса районъяс пӧвстын коймӧд. Водзынджыкӧсь Сыктывдін да Емдін.

Ӧні тані босьтчисны вӧчны аслыссикас вузӧс. Помӧсдінын Н. А. Шебыревлӧн веськӧдлӧм улын лэдзӧны ӧткодя кражйӧм цилиндруйтӧм керъяс, кодъяс бура инасьӧны керка-пывсян да гожся пусянін стрӧитысьяслы.

А Кебанъёльса училищеын велӧдчысьяс вӧзйӧны пачьяс, каминъяс. Неважӧн на найӧ котыртлісны юрсиктса рынокын ассьыныс выставка. Вель уна йӧз сэсся на дорӧ шыӧдчисны, корисны пач тэчны.