ПУЗЛА ЮГДАС

Государственнӧй би регыд локтас Пузлаӧ.

Эжва йывса тайӧ посёлокыс да грездыс вӧліны эндан выйын, но сюрис водзмӧстчысь морт, коді вуж выйӧныс вежис татчӧс олӧмсӧ. Александр Светозарович Игнатовлӧн зільӧмӧн посёлокын сӧвмис-ёнмис «Комилесбизнес» предприятие, сійӧ сетіс удж став матігӧгӧрса сикт-посёлокын олысьяслы, весиг орчча районсалы.

Предприятиеын вӧчӧмторйыс, медсясӧ тьӧс-плака, ӧні мунӧ Санкт-Петербургӧ, Латвияӧ да весиг Исландияӧ.

Окотапырысь босьтӧны «Комилесбизнесӧн» вӧчӧм кыдз пу шом Москваса предпринимательяс.