ӦТИ ФРАНЦИЯ СӦМЫН ЛӦГАЛӦ

Бӧръявылыс миянкӧд зэв нин уна государство лӧсьӧдчисны тӧргуйтны. Весиг Америкаын нин мунӧ сёрни миянкӧд бура овны лӧсьӧдчӧм йылысь. Быдӧн тӧдӧны: Россиятӧг пӧ нинӧм оз ло. Сӧмын ӧти Франция миян вылӧ век на лӧгалӧ. Юралысьыс сэні — Пуанкаре — важысянь Сӧвет власьтлы вӧлі враг, дай ӧні на оз кӧсйы бурӧн овны. Французъяс пытшкас эськӧ уна йӧз (весиг гырысьяс, озыръяс) шуасьӧны матыстчыны Россиялань, да правительствоыс налӧн лёкалӧ. Франция отсалӧ Польшалы, Румыниялы да Чехословакиялы сьӧмӧн, оружйӧӧн, быдторйӧн, мед найӧ вермасны коркӧ уськӧдчыны Россия вылӧ. Румыния вӧлі кӧсйӧ миянкӧд лӧсьӧдчыны тӧргуйтны. Франция сылы шуис: заводитан кӧ пӧ сёрнитны та йылысь, он пӧ сэсся аддзыв месянь ӧти грӧш...

Татшӧм лёка Франциялӧн удж нуӧдӧмла миян комиссар т. Чичерин шуӧ: кӧлӧ пӧ французъяскӧд тӧргуйтӧм йылысь бура видзӧдны, осторожнӧя пӧ колӧ французскӧй фирмаяскӧд тӧдмасьны.