ЧУКӦСТӦМ

Муса ёртъяс, коми пиян, коми нывъяс, велӧдчӧм войтыр, велӧдысьяс!

Тіянлы шуам: босьтчӧ ыджыд удж вылӧ — сьӧд-пемыд Пармаын олысьлы, коми йӧзлы веськыд туй югыдлань, шуда-долыд олӧмлань индӧ. Воссьӧдӧ синъяссӧ ас пемыдлун вылас, шуштӧма олӧм вылас, пикӧ волӧмас. Велӧдӧ гӧльлун кӧртӧдсӧ разявны, пемыд везйысь мынтысьны, чепъяс орйӧдлыны. Отсалӧй Коммунист Партиялы Сӧвет власьтсӧ коми уджалысь йӧз дінӧ сибӧдны, матыстны.

Коми Обласьтувса Коммунист Партиялӧн удж нуӧдысьыс (Обком РКП) Обисполкомкӧд шуисны: сэки пӧ сӧмын коми му-видз уджалысь йӧз кутас эскыны (веритны) Сӧвет власьтлы, кор став уджыс Коми муын мӧдас мунны гӧгӧрвоана кывйӧн, коми кывйӧн. Сэки сӧмын Сӧвет власьт да уджалысь йӧз чорыда ӧтувтчасны, выль олӧм, бур олӧм дорасны.

Ӧнӧдз кӧ онӧ тӧдӧ коми гижӧд, сюсьджыка босьтчӧ велӧдчыны — энӧ жӧ, ёртъяс, повзьӧ уджысь, тайӧ ичӧтик удж...

Медыджыд уджыс, медводдза уджыс — Войвыв Пармаысь кын кока комиӧс веськыда паськыд туй вылӧ петкӧдны.

Муса ёртъяс, сувтӧ жӧ ставныд удж вылӧ! Ыджыд АТТЬӦ мӧдысь кывзад коми йӧзлысь.

Обласьтувса удж нуӧданінъясӧс комиӧ пӧртан Комиссия.