«ЭЗЫСЬ» ВОКЪЯС

Эзысь медальӧн помалісны Кулӧмдін районысь Дереваннӧйса шӧр школа Никита да Николай Князевъяс.

Медводдза классянь кык вок пыр вӧліны отличникъясӧн. Куим во дорвыв петалісны вермысьясӧн физика да математика кузя республикаса олимпиадаясын. И школаса олӧмын пыр водзмӧстчисны. Найӧ, позьӧ шуны, вӧліны нырщикъясӧн турист-краеведъяслӧн котырын, коді районын медбуръяс лыдын.

Кык «эзысь» вок кӧсйӧны пырны СГУ-ӧ физика-математика водзӧ велӧдны. Тыдалӧ, опытъясӧн да артасьӧмӧн кӧсйӧны тӧдмавны, кыдзи эзысьысь артмас зарни.