ШКОЛА-МИЛЛИОНЕР

Велӧдчан учреждениеын выльпыртӧмъясӧ босьтчӧм кузя конкурсын, коді муніс нацпроект серти Россия пасьталаын, Комиысь вермысьяс лыдӧ петіс ӧтпырйӧ 23 школа.

Тӧдчанаыс сыын, мый тайӧ велӧдчанінъяс лыдас 22-ыс — карса, и сӧмын ӧти — сиктса. Стӧчджыка кӧ, посёлокса — Озъягса.

Конкурсын вермысьяслы вичмис миллион шайтӧн. Гӧгӧрвоана, мый вылӧ мунас тайӧ сьӧмыс.

Дерт, выль техническӧй оборудование, лингафоннӧй жыръяс, компьютера классъяс ньӧбӧм-лӧсьӧдӧм вылӧ.

Пасъям, школа, кодӧн уна во нин веськӧдлӧ районса медбур велӧдысьясысь ӧти — Ираида Генриховна Саталкина, Эжва йылын, позьӧ шуны, образцӧвӧй. Тані вит во нин эз вӧв мӧд во кежлӧ кольысьыс, велӧдчысьяс пӧвстысь некод оз сулав тыр арлыдтӧмаяслӧн учёт вылын. Школа кутӧ бур йитӧд бать-мамкӧд, предприятие-учреждениеяскӧд.