ИЧӦТ БИЗНЕСЛӦН ГЫРЫСЬ МОГЪЯС

Кыдзи сӧвмӧдны ичӧт бизнес, кутшӧм туйвизьяс бӧрйыны, мед предприятиеяс да предпринимательяс эз уджавны ас кежсьыныс, а зілисны ӧтув, та йылысь ыджыд сёрни вӧлі семинар-сӧвещание вылын, коді муніс кольӧм вежонӧ Кулӧмдінын.

Талун районын 42 ичӧт предприятие да ас вылас 350 уджалысь. Найӧ пуктӧны тӧдчана пай районса бюджетӧ. Бӧръя кадас ичӧт бизнесын уджалысьяслӧн зільӧмӧн кутіс кыптыны вӧр овмӧс, ёна паськаліс сідз шусяна розничнӧй вузасьӧм, весиг ловзис чери кыйӧм да рӧдмӧдӧм.

Но ичӧт бизнессӧ паськӧдны позянлуныс уна на. Мый колӧ та могысь вӧчны, кыдзи сетны отсӧг асшӧр уджас босьтчысьяслы — тайӧ да уна мукӧд юалӧм кутас видлавны координационнӧй сӧвет, кодӧс котыртісны тайӧ чукӧртчылӧм вылас.