БУР, ЭЗ КОСЬМЫ ПУР

Тавося ытва сетіс позянлун ас кадӧ мӧдӧдны Эжва йылын дасьтылӧм став пурсӧ.

Сы вӧсна, мый медвылыс пуръясянінын — «Тимшерлеслӧн» Мыс участокын пуръяс эз кыптыны-прӧстмыны кад кежлӧ, медводз ковмис босьтны «Немскӧй-І» улыс складын заптӧм-тэчӧм вӧр. Тайӧ вӧлі апрель 27 лунӧ. «Немлеслысь» да «Тимшерлеслысь» ставсӧ кылӧдісны 14 пур, Керчомъяысь «Пруптлеслысь» лэччӧдісны 7-ӧс да Кебанъёль дорысь «Эжва» ООО-лысь — 3-ӧс. Коланасьыс дырджык видзыштнысӧ Вадбӧжӧ сувтӧдлісны 3 пур да Кужбаӧ — 5-ӧс. Май 15 лунӧдз потребительлы, Сыктывкарса ЛПК-лы, лӧсьӧдлӧм став вӧрсӧ, тшӧтш и сідз шусяна катернӧй возъясӧн да баржаясӧн, лои мӧдӧдӧма, юӧртіс «Эжва» ООО-лӧн диспетчерскӧй службаын уджалысь А. А. Петраков.

Кольӧм воын серти, дерт, кылӧдӧма этшаджык, сӧмын 183 сюрс кубометр. Но ковмис уджавны зэвтчӧмӧн. Ставсӧ кӧ артыштны, ю вылын «Эжва» ООО-лӧн вӧлі 7 буксир да отсасян флотысь 16 катер. Пур вӧрзьӧдігӧн мый вермисны отсалісны и леспромхозъяслӧн ичӧт суднояс.