И ӦТУВВЕЗЙӦ ПОЗЬӦ ПЫРАВНЫ

Помӧсдінса библиотека лоис модельнӧйӧн. Лыддьысьысьяслӧн ӧні эм позянлун пыравны ӧтуввезйӧ, йитчыны кодкӧд кӧсъян спутник пыр.

Содтӧд на тӧдчымӧн озырмис библиотекаыс — воис быд сикас 1.000 небӧг, а сідзжӧ электроннӧй дискъяс, аудионебӧгъяс.

Лыддьысянінсӧ выльмӧдӧм вылӧ федеральнӧй бюджетысь сетісны 675 сюрс шайт. Пызан-улӧс ньӧбӧм да дзоньтасьӧм вылӧ сьӧмсӧ вичмӧдіс район.