РӦДВУЖЛЫ, ВЕТЛЫСЬ-МУНЫСЬЛЫ

250 шайтысь вит литраа ведра — татшӧм донӧн вӧзйӧны тані пув да турипув.

Вузасьӧны кыдзи асьныс карсаяс, сідзи и матігӧгӧрса сиктъясын олысьяс, майбыр, помтӧм-дортӧм нюръясын тусьсӧ таво быттьӧ кӧдзӧма.

Но лёк, мый кар пасьта абу торъя примитчанін, и йӧзыс иналӧны вотӧмторсӧ тӧдсаясыслы, рӧдвужыслы, ветлысь-мунысьлы. Медсясӧ вузасьӧны Вуктылса шӧр уличын.

Карас абу и тшак примитанін. Некод оз босьтчы тайӧ уджас, чукӧртӧмасӧ водзӧ инавны сьӧкыд да. Кадысь кадӧ Ухтаӧдз машинаӧн нунысӧ рӧскодыс ыджыд — ӧти-кӧ, туйыс кузь, мӧд-кӧ, колӧ вель уна вештыны Печора вомӧн вуджӧмысь.