ПАДЖГАСА ВӦЛӦСЬТЫН

(Визин карулын)

Исполком.

Исполкомӧ бӧрйӧмаӧсь дельнӧй йӧзӧс. Юралысьыс Надуткин, важӧн овлӧма нин Исполкомас. Секретарыс коймӧд во нин тайӧ местаас.

Видз-му уджалӧмысь вот (сельскохозяйственный налог) сё мортысь ӧкмысдасыс мынтӧма нин.

Комитет взаимопомощи уджалӧ омӧля, сьӧм лӧсьӧдны абу на вермӧма.

Вӧр налог чукӧртӧма тырыс нин, крестьяна арталӧны ӧні сетны сійӧ деньгасӧ кооперативлы.

Йӧзӧс велӧдӧм.

Вӧлӧсьтын эськӧ куим школа да, челядь школаясас омӧля ветлӧны, школаяссӧ оз ломтыны — кӧдзыдӧсь! Шеф — Обмилиция — лӧсьӧдіс Народнӧй дом. Декабр 16 лунӧ Народнӧй домас вӧчӧмаӧсь собранньӧ (митинг). Йӧзыс чукӧртчылӧма 70 морт.

Кооператив.

Зэв омӧль, деньга вылӧ тӧвар оз вузавны, нинӧм тӧварыс абу. Кооперативас сӧмын 24 член.

Роч.