ПОЛЬШАЛӦН ЧИНОВНИКЪЯС МИЯНЛЫСЬ ЙӦЗӦС ВИАЛӦНЫ

Сентябр тӧлысьын таво ӧти красноармееч миян, Ватлашов, мунӧма пывсьыны (батальоныс вӧлі сулалӧ польскӧй гранича бердын). Сэтысь Ватлашовӧс кутасны полякъяс да и нуасны асланыс штабӧ. Йӧз правительствояскӧд удж нуӧдысь миян народнӧй комиссар (наркоминдел) декабр 6-ӧд лунӧ корӧма: пырысь-пыр жӧ бӧр мӧдӧдны Ватлашовӧс Россияӧ да сійӧс кутысьяссӧ (полякъясӧс) мыждыны.

Неважӧн сэсся аддзӧмаӧсь Ватлашовлысь шойсӧ — важӧн нин вӧлӧм виӧмаӧсь сійӧс. Тӧдмалӧмаӧсь дай сюрӧма помыс — польскӧй власьтъяс Ватлашовӧс виӧмаӧсь коммунист партияын олӧмысь.

Ӧні наркоминдел бара шуис Польша правительстволы: дугӧдны полякъясӧс роч йӧзӧс виалӧмысь, мыждыны Ватлашовӧс виӧмысь. Сӧвет власьт пӧ вермӧ корны Польшасянь отсӧг Ватлашовлысь семьясӧ видзны.