КУТШӦМ НОРАСЬӦМӦН КЫТЧӦ МУННЫ
Став ӧтувтчӧм Сӧвет Республикаса Народнӧй Комиссариат Рабоче-Крестьянскӧй Инспекциясянь
Быд Союзса Республикаын Раб.-Кр. Инспекциялӧн аслас удж нуӧданінъясӧ ӧні лӧсьӧдӧма выль ногӧн Норасянінъяс (
Мукӧд удж нуӧданінъясыс, удж нуӧдысьясыс оз лӧсьыда, веськыда уджсӧ нуӧдны, оз быдӧнӧс ӧткодя могмӧдны, манитӧны, оз сёрнитны, увтыртӧны прӧстӧй йӧзӧс, сійӧн кидмӧдӧны, ылыстӧны найӧс. Сы вӧсна Норасянінъяссӧ и лӧсьӧдӧма. Сэні босьтӧны, видлалӧны, кывзӧны норасьӧмъяс, висьталӧмъяс уджалысь йӧзлысь и могмӧдӧны.
Норасьӧм висьталӧм гижӧдъясысь некутшӧм дон оз босьтсьы. Позьӧ норасьны гижӧдчӧмӧн, кывйӧн висьталӧмӧн. Тӧдан кӧ да аддзан кӧ удж нуӧданінъяслысь, удж нуӧдысьяслысь мыжъяс, лёк вӧчӧмъяс и мукӧдлы, сідзи жӧ колӧ висьтавны, индыны Норасянінӧ.
Вӧлӧсьтувса, Карувса, Обласьтувса удж нуӧданінъяс вылӧ норасьӧны Обласьтса Норасянінӧ. Обласьтса Исполком вылӧ норасьӧны асланыс республикаса (Р. С. Ф. С. Р.) Норасянінӧ.
Став ӧтувтчӧм Сӧвет Республикаса Нар. Комиссар. Раб.-Кр. Инспекция тшӧктӧ став уджалысьсӧ, удж нуӧданінъяссӧ, партияясӧс, быдлаӧ ӧтувтчӧм йӧзӧс татшӧм Норасянінъясӧ пырджык, ёнджыка шыасьлыны татшӧм могъяснас, мед ӧдйӧнджык вермам бырӧдны Сӧвет удж нуӧданінъясысь важ, лёк ногӧн, куш кабалаӧн, гижӧдӧн уджалӧмсӧ, мед прӧстӧй йӧзлы висьтыс, удж нуӧдӧмъясыс матысмасны, тӧдмасясны, гӧгӧрвоана лоӧны.
