КОДЛЫ КОЛӦ, ЫСТА НЕБӦГЪЯС
Бӧръя воясас менам петаліс некымын коми небӧг: тайӧ «Коми кыввор йылысь висьтъяс» (2006), «Коми пемӧс нимкуд» (2008) да «Выль кыввор» кывкудлӧн выльысь йӧзӧдӧмтор (2009).
Кӧть став тайӧ петассӧ лэдзӧма республикаса кудйысь сьӧм вылӧ, найӧс миян кар-районъясын судзӧдны он вермы. Сӧмын позьӧ библиотекаысь босьтлыны. Помкаыс кык: ӧти-кӧ, тиражъясыс зэв ичӧтӧсь, мӧд-кӧ, коми небӧгъяссӧ дугдісны вузавны. Шуам, куим вайӧдӧм небӧгсьыс медводдзаыс петіс 400 экземпляр, мӧдыс 640, коймӧдыс сӧмын 150.
Вель унаӧн нин ме дорӧ шыӧдчылісны, тайӧ небӧгъяссӧ корӧны школаын коми кыв велӧдысьяс, журналистъяс, мукӧд йӧз. Сӧмын некыдзи налы вӧлі отсавнысӧ, ӧд ӧні весигтӧ сідз шусяна авторскӧй экземпляръяссӧ небӧг лэдзысьяс оз сетны. И со воис юрам мӧвп ыставны, кодлы колӧ, электрон пошта пыр ас компьютерын видзана версияяссӧ. А мый, тайӧ бур петан туй, ӧд ӧні ӧтуввезйыд да ньӧвпоштаыд (электрон поштаыд) эм матӧ быд сиктса школаын, клубын, уналӧн и гортас.
Тайӧс артыштӧмӧн кора коми йӧзӧс: кодлы колӧ индӧм небӧгъясыслӧн электрон версияясыс, шыӧдчӧй ме дорӧ, ыста найӧс козин пыдди, некутшӧм сьӧм йылысь весиг и сёрни оз ло. Медтӧдчанаыс ӧд — мед небӧгъяссӧ лыддисны, наӧн вӧдитчисны. Электрон инпасӧй (адресӧй) татшӧм:
