ПЕРЫМ КЫВКУД
Сыктывкарса университетлӧн небӧг лэдзанінын неважӧн йӧзӧдӧмаӧсь — «
Сэтчӧ чукӧртӧма 4.000 гӧгӧр кыв да кывтэчас удмурт, зырян-коми да перым-коми гижӧд кывъясысь, роч юркывъяс бӧрын найӧс вайӧдӧма ӧткодялӧм могысь, шуам кӧть, гость — удмурт куно, зырян-коми гӧсть, перым-коми гӧсь; брюки — удм. брюки, штан(и), зыряна-коми гач, перым-коми вешъян; дорога — удмурт сюрес, коми туй да с. в.
Дасьтӧмаӧсь тайӧ ӧтувъя ыджыд уджсӧ удмурт да коми кыв туялысьяс, Ижевскысь филологияса доктор Риф Насибуллин, филологияса кандидат Сергей Максимов, Сыктывкарысь филологияса доктор, профессор Евгений Игушев, Кудымкарысь филологияса кандидат Ольга Аксёнова. Кыдзи аддзам, тайӧ ордвужа войтыръяслысь кыв туялан уджсӧ вӧчӧмаӧсь ӧти вужйысь петавлӧм войтыръяслӧн ныв-пиян, тайӧ уджыс збыльысь ӧтувъя лоӧма.
Небӧгыслӧн могыс гӧгӧрвоана — сетны лыддьысьысьлы ӧткодявны уна сикас кыв, тӧдмавны, мыйӧн ордвуж кывъясын кывворыс ӧткодь, мыйӧн торъялӧ, казявны, кыдзи вежсьӧма кывйыс. Удмуртияысь авторъяс гижӧмаӧсь удмурт юкӧнсӧ, Е. Игушев — зырян-комисӧ, а О. Аксёнова — перым-комисӧ. Ёрта котырлӧн «пӧжасыс» артмӧма. Татшӧм небӧгсӧ важӧн нин виччысьӧны ордвуж кывъясӧ пырӧдчысьяс, велӧдысьяс, методистъяс, вылыс тшупӧда велӧдчанінъясысь войтыр, туялысьяс.
