СО КӦНІ ВӦРАЛЫСЬЯСЫС!

Прокопьевскӧй вӧлӧсьтын эм деревня — Ипатьдор. Ипатьдорса зэв ёна вӧралӧны. Медбур вӧралысьнас лыддьыссьӧ Рогов Левӧ Ёгор. Сійӧ пиыскӧд — Иваныскӧд — колян во нажӧвитісны вӧралӧмнас пуд 300 кымын нянь; таво пӧ бара на сы мында.

Кыдзи нӧ найӧ та мындасӧ вермӧны кыйны да вины? Налӧн бур понъясыс, найӧ ылӧ ветлӧны, найӧ тӧдӧны, кӧні олӧны зверъяс.

Левӧ Ёгорыс аслас суседъясыскӧд, витӧн, таво ветлӧмаӧсь вӧравны Яренга ю вожӧ. Вайӧмаӧсь 2000 ур, 4 кунича (тулан), мукӧд пӧлӧс зверъясӧс.

Левӧ Ёгор Иваныс вӧралӧма таво братаныскӧд мӧдлаын. Кыйӧмаӧсь 7 кунича, зэв уна ур (лыдсӧ вунӧді).

Со кутшӧм бур вӧралысьяс тайӧяс! Татшӧм вӧралысьяссӧ колӧ наградитны либӧ кокньӧдны налог мынтӧмысь, кыдзи миян власьт наградиталӧ, кокньӧдалӧ бур олӧм дорӧмысь, выль ногӧн олӧмысь.

М. Т.