ОБЯЗАТЕЛЬНӦЙ ПОСТАНОВЛЕННЬӦ КОМИ ОБЛАСЬТУВСА ИСПОЛНИТЕЛЬНӦЙ КОМИТЕТЛӦН

Гожӧмын самӧй быдмигас ёна жугӧдӧны кыйӧмӧн том песецъясӧс — тундравывса ручпиянӧс (кыньпиян, «крестоватики»). Сы понда ёна кутіс чинны тайӧ дона зверыс, коді миян Обласьтлы вайӧ зэв ыджыд пӧльза.

Мед водзӧ вылӧ гырысь зверыс эз кут чинны, мед унджык лоас кыйсян прӧмысыс, Областнӧй Исполнительнӧй Комитет шуис (постановил):

1. Кыйны песецъясӧс (тундравывса ручьясӧс) Коми Обласьтын позьӧ сӧмын ноябр 15-ӧд лунсянь март 31 лунӧдз.

2. Ньӧбны ни вузавны том песецъясӧс (кыньпиянӧс) некор оз позь.

3. Мыжаясыс ручпиянӧс (крестоватикъясӧс) кыйӧмысь и вузалӧмысь сетсьыны кутасны судӧ, 99-ӧд статья Уголовнӧй Кодекс (закон) серти, незаконнӧй кыйӧм; звер куыс кутас мырдӧн босьтсьыны (конфисковаться).

4. Том песецъясӧс ньӧбысьяс, звер ку мырддьӧм бӧртиыс, кутасны штрапуйтсьыны судтӧг: 100 шайтсянь 300 шайтӧдз зарниӧн. Штрапыс пырӧ Обисполкомлы.

5. Тайӧ обязательнӧй постановленньӧ серти вӧчӧмсӧ (исполнитӧмсӧ) кутасны видзӧдны: лесникъяс, милиция, вӧралысь чукӧр (союз охотников).

Зам. Предобисполкома Юркин.

Зав. Обземуправлением Айбабин.

Управделами Президиума Обисполкома Бергер.

3/Х 1923 г.

№ 7.122/а.