ВОЛИСПОЛКОМ КУЙӦД ПЕТКӦДӦ

Неважӧн ми милиционеркӧд пыралім Вомынса Исполкомӧ — колӧ вӧлі служба могӧн. Первойсӧ сэні некод эз вӧв — стӧрӧж ни служак ни. Недыр мысти кытыськӧ воис стӧрӧж (нывбаба). Юалам: «Кӧнӧсь нӧ служакъясыс?» Сійӧ шуӧ: «Служакъяс пӧ талун ни, аски ни, аскомысь ни оз на локны татчӧ. Ставныс пӧ куйӧд петкӧдӧны».

Дерт, куйӧд петкӧдны колӧ. Сӧмын Исполкомтӧ оз ков дзонь вежон кежлӧ пуста эновтны, колӧ кӧть дежурнӧйӧс лӧсьӧдны сэтшӧм уджъяс дырйиыд.

К. Опарин.