ПОРСЬПИ МУРТСА ЭЗ СОТ КЕРКА

Ньӧтчыд он кывлы, порсь помысь пӧ вермас лоны пӧжар. Сэтшӧм дивӧ ӧні неважӧн на вӧлі Выльгортын: порсь помысь ӧдва эз сотчы быдса керка коромина. Эм миян столяр И. М. Кузиванов. Сійӧ керкаас видзис порсьпиӧс. Ӧтчыд порсьпи котралігас кутшӧмкӧ ногӧн ас вылас кисьтӧма карасин. Карасинӧсь гӧннад сэсся пондӧма гыжъясьны ломтысян кӧрт пач бердӧ. Гӧныд ыпнитӧма (ӧзйӧма). Порсьпиыд повзьӧма, пондӧма котравны джодж кузяыд. Джодж пасьтаыс вӧлӧма стружки-чаг. Стружки-чагйыд ыпнитӧма ыджыд биӧн, сэсся биыд пондӧма кавшасьны стен кузяыд йиркӧдзыс. Кӧзяинъяс пышъясны керкаысь, чуксаласны суседъясӧс, би удитасны кусӧдны. Кӧзяинъяс кӧ эз лӧсявны гортын, керка короминаыд, дерт, ставнас сотчис, порсьпиыд мужиктӧ дзикӧдз эськӧ рӧзӧритіс.

Коми пи.