КОММУНИСТЪЯС ВЕЛӦДЧӦНЫ

Таво Октябр тӧлыссянь коммунистъяс бара пуксисны велӧдчыны. Сыктывдінкарын быд воторник да пекнича рытӧ дас кыклаӧ чукӧртчывлӧны велӧдчыны коммунистъяс том йӧз чукӧркӧд (Р. К. С. М). Велӧдчӧны том йӧз, велӧдчӧны и сюра-тошка олӧма йӧз. Мукӧдыс эськӧ уна нин велӧдчылӧма школаясын да, век на омӧля тӧдӧ колантор наукасӧ. Став велӧдчысьыс нёльсё морт гӧгӧр. Коді ёнджыка тӧдӧ наукасӧ, сійӧ велӧдӧ, коді омӧля — сійӧ велӧдчӧ.

Вӧлӧсьтъясын, сиктъясын сідзжӧ эськӧ колӧ велӧдны, да вынъяс оз на судзсьы. Кӧсйӧны жӧ ӧткымынлаӧ мӧдӧдны мортъясӧс тӧлысь кымын кежлӧ, мед найӧ сідзжӧ велӧдыштасны.