ПАДЖГАЫН

Тавося вонад Паджгасаяс оз ошйысьны. Няньыд пӧ этша, туруныд пӧ сісьмис. Йӧзыд удж корсьӧны, коді ылі заводӧ муніс, коді шпал лэдзны кӧсйӧ кутчысьны. Прӧмысъяс кыйӧм эз жӧ удайтчы.

Видз-му мерайтчӧмысь мунӧ зык-шум: коді шуӧ — мерайтчытӧг пӧ лад оз босьт, а коді и «важ ногыс пӧ олам». Пинясьӧны, укӧрайтчӧны «новӧмщикӧн» да «старӧмщикӧн». Выставка вылӧ ветліс пельшӧр Чередов. Сійӧ мортыд зэв прамӧй. Ёна ыштӧдӧ йӧзтӧ выль ногӧн му-видзтӧ уджавны. Вичкодорса мужикъяс сы дорӧ ёна пондӧны.

Тешкодя олӧны том йӧз. Век на мыйкӧ юкӧны, грезд на грезд косясьӧны. Гырысь йӧзыд эськӧ аддзӧ жӧ да весиг оз кивыль кер. Дугӧдны жӧ колӧ.

РКСМ абу. Нардом кӧдзыд, спектакъяс оз овлыв. Ӧні карса тӧждысьысь (шеф) кӧсйӧ вӧчӧдны. Газет лыддьысь этша, мыйкӧ тай вичкодорса мужикъясджык лыддьысьлӧны-а.

Шыран кок.