НЁБДІНСА ВИТТОРЛЫ

«Тешкодь сямтӧм олӧм мунӧ

Мувыв войтыр шӧрын:

Ловъя дырйи мортыд вунӧ,

Кыптӧ кулӧм бӧрын.»

(Нёбдінса Виттор. 1920 во).

Тайӧ нёль визь гижӧдтор тэнсьыд чорыда ме тӧда, пыр казьтыла: важӧн, джынвыйӧ и ӧні на, — олӧмыд, тӧдӧмысь, сэтшӧм.

Ыста ассянь юӧртор: тайӧ лунъясӧ тэныд лои 35 во му вылын олӧмлы, 5 во чорыда уджалӧмлы миян Коми муын, бур лӧсьыд кадъясын. Велӧданінъясын Сыктывдінкарын нёль во тэнсьыд уджъястӧ тӧдмӧдлам. Кутшӧмкӧ гижӧд чукӧръяс тэнад петісны нин став лыддьысьысь йӧзлы; ловъя дырйиыд тэнӧ дзикӧдзсӧ огӧ вунӧдӧ, кыдзи ӧнӧдз на эгӧ вунӧдлӧй, — сы туйӧн тэ шудаджык унаысь.

Кузь нэм тэныд ёна уджавны, комиӧс велӧдны, гажӧдны, коми гижӧд вӧчавны! Миян коми гижысь чукӧръяс коми олӧмыскӧд пыр на быдмӧны, содӧны, паськалӧны. Варыш поз миян уджалӧ, лэбалӧ. Сійӧ позъяс тэнад медыджыд нин борд, сьӧлӧм, сёрни-гижӧд.

Габӧ Педӧр Ӧлексан пи Ӧлексей нима (Ӧ. Чеусов).