***

Нёбдінса Виттор... Коді сійӧс оз тӧд! Гӧгӧр — ылын, матын, юалан кӧть кодлысь: пӧрысь, вынйӧра, посни челядь — тӧдӧны сы йылысь. Радейтӧны том йӧз Витторлысь бур сьылӧм. Видзӧдӧны быдӧн Коми муын олӧм: «Тшын»-ын озырлысь тшапитчӧм, «Вабергач»‐ын шогӧн-лёкӧн пикӧ воӧм, «Гудрасьӧм»‐ын поплысь-дяклысь олӧм.

Нёбдінса Виттор коми сьыланкывйӧн сьӧлӧмӧ пырӧ, юръяс воссьӧдӧ, водзӧ нуӧдӧ, сьӧлӧм сьыланкывйӧн шогъяс разӧдӧ, йӧзӧс гажӧдӧ, ойбыр пальӧдӧ, важ олӧм, лёк олӧм вуштыштӧ, выль олӧм, бур олӧм ошкыштӧ.

Нёбдінса Витторлы бурсиа: водзӧ сідзи сьывны пыр, варышъяс моз лэбавны, сьӧлӧм йӧзлысь кыпӧдны, шогсӧ налысь долӧдны!

А. Молодцова.