4 ВО СЫКТЫВКАР МЕЗДӦМЛЫ

Нёль во сайын миян Коми муӧ волісны еджыдъяс. Быдӧн тӧдӧны, кутшӧм лёк олӧм найӧ вайлісны! Степан Латкин вӧлі кӧсйӧ пуксьыны губернаторӧ, коми йӧзӧс сетны озыръяс кипод улӧ. Сыктывкар вӧлі еджыдъяс улын дас квайт лун. Водзджыксӧ миян вынным эз судзсьы дорйысьны, лолі пышйывны бура уналы кытчӧсюрӧ. Кор воис отсӧг, ми еджыдъясӧс бӧр зырны кутім, найӧ Сыктывкарысь пышйисны. Талунъя лунӧ (1-й декабр) 1919 воӧ Гӧрд армия бӧр босьтіс Сыктывкар, бӧр ловзис тані Сӧвет власьт, кутіс уджавны бур олӧм лӧсьӧдӧм вӧсна крестьяналы.

Коми йӧзлы оз ков вунӧдны тайӧ лунсӧ. Найӧ асьныс тӧдлісны, кутшӧм озыръяс улад (еджыдъяс кипод улад) олӧмыд! Уна йӧзӧс еджыдъяс и лыйлісны, унаӧн Сӧвет власьт вӧсна ловнысӧ сэки пуктісны! Бурӧн казьтылӧй, коми войтыр, ассьыныд вокъяснытӧ! Чорыдджыка топӧдчӧй Сӧвет власьт дорӧ да коммунист партия дорӧ! Найӧ сӧмын олӧны, олӧмсӧ вӧчӧны уджалысьяс вӧсна!