СОЙВАЫН ЛЁК ПРАЗДНИК ЛӦСЬӦДӦМАӦСЬ

Мылдінсянь (Троицко-Печорск) ӧкмыс верст сайын эм деревня Сойва. Йӧзыс сэні зэв ен дор олӧны. Налы этша на кажитчӧма важ праздникъясыд, да выльӧс лӧсьӧдӧмаӧсь 1919 восянь — Пантилимон лун. Тайӧ праздниксӧ со мый вӧсна Сойваса лӧсьӧдӧмаӧсь. 1919 воын Пантилимон лунӧ миян Гӧрд армия локтӧ вӧлі Помӧсдінсянь Мылдінӧ. Став Печӧраыс сэки вӧлі еджыдъяс улын. Сойва грездын вӧлі сулалӧны найӧ жӧ. Миян Гӧрд армия кӧсйис босьтны Сойвасӧ, да бура ёна воча лыйсисны. Еджыдъяслӧн силаыс вӧлі унджык, миянлы лои бӧр бергӧдчыны Помӧсдінӧ. Вот сы кузя, гӧрдъясысь спаситчӧм вӧсна Сойваса и праздничайтӧны ӧні тайӧ лунсӧ. Таво на Мылдінсянь попъяс волісны, молебенъяс сьылісны, сиктӧд ветлӧдлісны, вежа ваӧн резісны...

Лёк олӧм! Колӧ татшӧм «храм праздниктӧ» шыбитны. Та дорысь лучшӧ Сойвасалы колӧ празднуйтны, кутшӧм лунӧ Сӧвет власьт мездіс найӧс еджыдъяс улысь.