ПОП ДЗУГӦМА ЙӦЗӦС

Выльгортса поп — отеч Павел Неволин видз-муӧн ӧткодя крестьянакӧд вӧдитчӧ, сёйысь серти жӧ. Сы кындзи нӧшта босьтӧ быдсяма пӧлӧс требаясысь бура уна нянь. Да век на этша! Прӧста ӧд оз шуны: «Поп горш да ад горш пӧ ӧткодь». Воддза волисполком дырйи кӧртымалӧма сійӧ медбур видзсӧ вӧлӧсьтсьыс — додь комын ув. Босьтігас шуӧма попыс: «Видзсӧ пӧ ме ачым понда уджавны» (медавтӧг). Бӧрвылас сэсся турунсӧ пуктісны озыр крестьяна шӧрипӧв (джынсӧ аслыныс, мӧд джынсӧ поплы).

Колӧ волисполкомлы тайӧ дзуг делӧсӧ веськӧдны: босьтны поп ордсьыс турунсӧ да кутшӧмкӧ вӧлӧсьтувса пӧльза вылӧ пуктыны, — примернӧ, исполкомлӧн вевтыс сісьмӧма, колӧ вежны. А водзӧ кежлӧ попӧс оз ков сибӧдны видз-муяс донъялігӧн (кӧртымӧ сетігӧн).