ЧУКСАСЬӦНЫ РОССИЯ ПЫР

Ирландияын (Англия улын) уна сё мортӧс (уджалысьясӧс) сісьтӧны тюрмаын — найӧ пукалӧны нин дас сизим тӧлысь. Нелямын лун нин найӧ тшыгъялӧны. Буржуйяс та йылысь оз висьтавны ни, оз гижны ни. Тайӧ лунъясӧ Ирландияса уджалысьяслӧн представительыс ыстіс т. Чичеринлы (мукӧд государствояскӧд сёрни нуӧдысь комиссарлы) юӧр; корӧ та йылысь гижны Сӧветса газетъясӧ, мед став йӧзыс тӧдласны, кыдзи дзескӧдӧны буржуйяс уджалысь йӧзӧс.